هتعمل ايه بقى لو قابلت الرخم ده ف الشارع !!!

مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعنى الجاكتة

فالأولانى قال له:نعم ؟

فالتانى قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

ايه؟

الكرافتة.....الكرافتة بسرعة

حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية

آه .معلش فكلى زراير القميص

لااااا دانت زّودتها أوى ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدى زراير القميص خلاص فكتها... دا كان يوم ايه المهبب ده، ها أى أوامر تانية؟

أيوه قلعنى بقه القميص

ياسيدى عيب مايصحش كده، دا احنا فى الشارع خللى عندك دم ..... لا حول ولا قوة الا بالله

أرجوك أرجوك بسرعة.....مفيش وقت

دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى

ارسملى على ظهرى خطوط بالطول وخطوط بالعرض

حسبى الله ونعم الوكيل...انت مجنون ياراجل أنت؟؟؟؟

من فضلك....أرجوك

رسمتلك زفت بالطول وزفت بالعرض

رقملى بقه المربعات للى اتكونت على ظهرى بالارقام من 1 الى 40

ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى فى المربع رقم 33

هاقتله
وتسلم ايدك ياهوبا

ههههههههههههه
يا اولع فيه يا يولع فيا
ههههههههههههههههه

هههههههههههههههههه
دا الموضوع ال [ندعوك للتسجيل في المنتدى أو التعريف بنفسك لمعاينة هذه الصورة]
ههههههههههههههههه
هاولع فيه وفيها واللى رسم المربعات [ندعوك للتسجيل في المنتدى أو التعريف بنفسك لمعاينة هذه الصورة]
هههههههههه
حلو تسلمى على الموضوع [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههه
بجد حاجه صعبه موت
بس هى انى ارميه تحت اى عربيه تكون جيه بسرعه بجد
تحياتى ليكى ياعسل

هههههههههههههههههههه
لا بجد حلوة اوى ياهوبا تسلمى ياقمر
لا انا ماظنش انوا هيعدى عليه اليوم ويكمل كده جاب اخرها
بس المسامح كريم هههههههه